【沒錯我是說，你(柏豪)想分手嗎？】
我諗大家都知道周太同柏豪之間既事，佢地既邂逅係喺一次公開活動裡面發生......
根據周太喺Facebook撰文，先知三個月前周太仲係柏豪既忠實粉絲，點知因為後面啲二打六湧過黎，搞到佢唔小心跌低左，當時柏豪見到就馬上捉住佢，同佢講：「小心呀！」。呢個時候佢地四目交投，然後點下頭，發現....原來愛情可以好簡單，有時機會既野就係話黎就黎，擋都擋唔住。好似童話故事裡面既公主每次面對苦難嗰陣，王子都會騎住一匹白馬趕去營救美人咁。
佢地兩個真係好幸福，有次周太留言話搵日同佢一齊同陽光訓覺，嘩，幾咁唯美既畫面...柏豪訓喺草地上面，周太迎面望住佢仲笑得好燦爛添，我諗柏豪真係好想殺死自己，然後永遠留住咁美好既一刻。
有時周太仲會上去柏豪屋企買定材料煮飯比佢同屋企人食，絕對係入得廚房、出得廳堂既好老婆類型。就算柏豪上次參加賽車，周太都明白呢啲係男人既浪漫，唔可以阻止，直接喺終點站等佢凱旋回歸。
好可惜你對一個男人愈好，佢就愈唔識珍惜，所以喺10月周太不停留言發悔氣，更加講：「任由柏豪，他不選我，有他的理由，我沒有他也是活得好。」唉，去到呢度我已經於心不忍，點解一個咁好既女仔竟然會受到如此遭遇。希望周太可以早日搵到另一個心水藝人繼續萌芽愛既種子啦。
#好心一早放開我 #重頭努力也坎坷
Search